عسلامة النّاس الكلّ يورو تراك سيميولاتور 2 هي لعبة متع محاكي الشّاحنات تخلّيك تسوقهم بصفة واقعيّة برشا في خريطة أوروبا . خريطة تونس هي مود تتصبّ في هذه اللّعبة و تخلّيك تسوق في تونس تصوّر أنّك تلعب في تونس بحيث الطّرق و المدن و المسافات واقعيّة بنسبة كبيرة برشا و تنجّم تعرضك حومتك و البلاصة الّي قريت فيها و منازل متع ناس تعرفهم المود هذا مازالنا قاعدين نخدموا عليه و نكبروا فيه باش تكون تجربتكم في اللعبة حلوّة برشا بالطّبيعة الواقعيّة في الخريطة هاذي يلزمها برشا تعب و خدمة و سهر و وقت و احنا المشروع هذا نؤمنوا به برشا و نحبّوكم تكونوا طرف فيها. المساهمات متاعكم باش تشجّعنا برشا و تخلّينا نطوّروا اكثر في خدمتنا شكرا جزيلا